| 再見，2011 2011年，又在此完結 在學的生涯，也餘下最後一個學期 這一年，發生很多事， 最難忘應是那個F， 白白被人偷去兩份功課，而慘被 professor kill左， 令自己的GPA陷入永無番身之地 除了怨自己的大意，根本甚麼也做不了
2011年，也象徵莊務完結， 將莊務交給下莊，卻沒有盡上莊責任。 在莊務上自己太接了，基本上不知道他們發生甚麼事 自己的懶惰，也令自己很少參加活動， 對不起… 雖然上莊的支援較少，不過我可以說， 你們沒有令人失望 只是我的下下莊，人數真的太少了…
暑假做的人口普查，是我暫時最開心的一份工 你們又全得近，又啱傾， 同你們一起真的很高興， 很像回到中學那些年的時光 工作要日曬雨淋，不過有你們的相伴， 也是賞心樂事。
和Henry一起去的華東之旅， 我知他不太滿意，不過我認為那是個快樂時光， 認識了的老夫婦，真的很仁慈， 而且他們的子女也真的很出色！ 旅程像是趕鴨仔般走馬看花， 下次有空一定要重臨西湖， 靜靜欣賞美麗景色
十月的FYP、Case、ELT、MKT… 好像做不完的paper，海量的功課， 自己終於跨過了， 真的感謝各位pro mate，特別是在FYP中我乜都唔識， 而且同大家格格不入， 你們的包涵，才能令整個FYP順利完成！
2011，就這樣完了！ |
| |
| 那些年，我們在 Xanga 中的回憶 好耐都冇上過來了， Year 3 充斥著 Project 和 assignment， 忙到透唔到氣， 其實都好想有D時間去思考一下、分享一下， 不過大量的數字將我個腦塞滿了…
那些年真係好睇， 好似自己又回到中學的時光， 成班同學係個班房到玩… 雖然呢家都仲係學生， 不過大學同中學的感覺好唔同， 都係中學傻仔D，好玩D。 睇完之後，好掛住中學的同學… |
| |
| 南生圍 好耐冇打xanga啦， 之前開學太忙，呢家放假又太懶，而且又冇咩好打， 個xanga一直係到投閒置散… 好耐之前同Jenny講會去南生圍， 上星期六終於去到了， 仲有明妹同Ricky陪添。 個日天氣真係好靚，藍天白雲， 好似係幅油畫入面行咁。 雖然個日天氣好熱，不過係樹蔭下其實都幾清涼。 本身有諗個係大草地上放風箏， 不過都係買唔到… 
水面平靜得如一面鏡子 
好多靚相，不過之後幾日已經再冇咁好天了… |
| |
| 忽然有感 今日執屋掉左好多舊的野， 有唔少都係中學時期的野，只係一直都下唔到決心掉左佢… 睇番呢D野，就會諗番起以前的種種往事。 以前成日都發夢， 成日都諗好多唔同的野，甚至有D會做左自已的目標， 發夢係最美好的， 好多事係現實卻係唔會做得到。 人愈大，就愈發覺唔可能， 久而久之就愈來愈少發夢， 點都要向現實低頭。 自從電腦普及之後，得閒就多數都唔會拎來發白日夢， 多數都用左係上網同打機… 今日諗番起以前D野， 都覺得個時真係好低B。 記得讀3B的時候，來左一對實習老師， 歐Sir同Miss黎， 佢地個時都係大學生， 唔知佢地個時睇住我地，會唔會有呢D感覺呢？ 諗番起點解會開始打blog同Xanga，都係因為個時歐SIR有打， 而且個陣仲會日日keep住打，唔似得呢家… |
| |
| 開 Sem 了 學左sem一個星期，發現呢個sem真係幾辛苦， 星期一由九半番到五半冇停過，個個星期四都要七點出門口十一點半先番屋企， 真係好似做緊書展個論咁… 學左sem第一個星期，就已經收到bad news， 3002竟然俾輝哥kill左， 雖然一直都考得唔係幾好，不過我自己真係有努力過， 而且同3008又好似，點都唔會咁差… 可惜又冇得check卷，證實死亡。 唉… 呢家都仲未有心機溫書，好的開始係成功的一半， 咁唔好呢？ |
| |
